Kranspoortpas was vir ‘n ruk gesluit na ‘n trokkongeluk by die eerste sandput in die pas, maar daar is ‘n op- en ‘n afbaan oop vir verkeer.

Die ongeluk het omstreeks 02:15 plaasgevind.

Na wat verneem word het die trokdrywer ligte beserings opgedoen.

Spanne is reeds besig met opruiming, en het Nico van Vuuren (Mid Towing Insleepdienste) vanaf die toneel laat weet dat dit nog sowat ‘n uur kan duur.

Motoriste moet daarop let dat verkeersvloei beïnvloed gaan word omdat daar net enkelbane oop is.

Dit is die soveelste trokongeluk in Kranspoortpas in die afgelope paar maande.