Motoriste word gewaarsku om stadiger te ry as hulle sowat 30km buite Middelburg op die Stoffbergpad ry, na ‘n ongeluk tussen ‘n voertuig en ‘n trok.

Alhoewel niemand beseer is nie, lê daar tans ‘n vrag bakstene in die pad wat van die trok afgeval het, wat opgeruim moet word.

Die ongeluk is 32km vanaf Middelburg. Hier is die presiese ligging, soos dit per Google Maps op die groepe gestuur is.

Gelukkig kan voertuie op die padreserwe verbygaan terwyl opruiming gedoen word.

Daar is op die ongeluk noodgroepe ook laat weet dat daar ‘n ernstige ongeluk is tussen Hendrina en Ermelo na ‘n trompop botsing tussen ‘n trok en ‘n kar.

Middelburgers wat vroeër vanaf Ermelo op pad was na Middelburg, het laat weet dat hulle omgedraai het en Bethal oor ry, omdat hulle al ‘n geruime tyd in die verkeer, wat kilometers ver opgehoop het, staan. Die ongeluk se ligging is hier.

• Daar is pas verneem dat daar begin is met opruiming en dat daar is ‘n Stop-en-Ry is sodat verkeer kan beweeg.

• Dit is die soveelste ongelukke hierdie naweek, na twee ongelukke gister (in een is drie vroue en ‘n kind dood) en een Vrydagaand waarin ‘n man gesterf het.