As jy jou wasgoed wil droog kry vandag, sal jy moet spring, want as daar gekyk word na die weervoorspelling, gaan dit vanmiddag waarskynlik wéér reën.

Google- en Accuweather voorspel meer as ’n 50% kans vir reën vanmiddag met ’n maksimum van 24°C.

Woensdag word daar weer reën in die laatmiddag verwag, maar teen Donderdag is alle aanduidings (70%) dat donderstorms al vroeg kan uitbreek.

Vrydag se voorspelling is slegs 30% vir reën, maar dit gaan die hele dag gedeeltelik bewolk wees.

Saterdag en Sondag is dit weer meestal bewolk met onderskeidelik ’n 30% en 40% kans vir reënweer oor die twee dae.

Tydens die storms gister in die vroeë oggendure en deur die dag het verskeie bome omgeval in en om Middelburg.

Waldette Smith het gister die donker wolke oor Middelburg afgeneem voor die donderstorm. Sy het dit goedgunstiglik vir die Observer beskikbaar gestel vir publikasie.