KYK: Affie se oudhoofseun trap Kranspoort met gemak uit
Op epiese tog om geld in te samel vir land se kankerpasiëntjies
Die oud hoofseun van Afrikaans Hoër Seunskool, Andru van Zyl (18), wat met ’n fiets vanaf Polokwane na die Kaap ry, het sy derde dag in die saal deurgebring.
Hy het Kranspoort vanoggend met groot gemak uitgery, ondersteun deur Middelburg se Meneer Ysterman, Cobus Fourie.
’n Groep fietsryers het hom van Groblersdal tot na die pas vergesel.
Die wispelturige weer het die groep vir ’n tyd lank laat skuiling soek met swaar neerslae.
Andru samel geld in vir Childhoood Cancer Foundation South Africa (Choc).
Hy vertrek weer moreoggend 19 Desember, om 05:30, vanaf Cathedral Peak 10 in Aerorand.
Middelburg fietsryers gaan weer by hom aansluit en saam uit die dorp ry.
Andru beplan om medies volgende jaar aan Tukkies te studeer.
@middelburgobserver Andru wys Affies guts teen Kranspoort uit. Video: Tobie van den Bergh. AndruVanZyl, EpicRace, Affies, MiddelburgCycling, N11, Kranspoort, CHOC
