“Ons gaan nie wen nie!”So het ’n moedelose Henk Wessels vanoggend uitgeroep, na die soveelste kabeldiefstal by die Kees Taljaard Stadion.
Die kabels is met groot moeite vervang.
’n Mynmaatskappy het ingegryp om Middelburg Rugbyklub by te staan, sodat die beskadigde infrastruktuur herstel kan word.
Die klub het vanaand (Maandagaand) sy eerste oefening.
Die 2025 seisoen was reeds ’n nagmerrie, omdat daar nie spreiligte was om onder te oefen nie.

Wessels is die hoofafrigter en het reeds ingestem om in te gryp, sodat Middelburg weer sy regmatige plek in die rugbyliga kan inneem.
En nou dit.
Hy het al voorheen versoek dat die Steve Tshwete Munisipaliteit ’n wag by die stadion plaas, om soortgelyke vandalisme te voorkom.
Dit het op dowe ore geval.