Noodspanne is steeds op ‘n ongelukstoneel op die Groblersdal/Bronkhorstspruitpad waar ‘n ongeluk die lewe van ‘n motorfietsryer geëis het.

Daar is op die Traffic Alert-groep gevra dat motoriste moet stadiger ry in die area, aangesien die pad gesluit is vir die forensiese span om hul werk te doen.

Van die noodwerkers op die toneel het gesê dat die ongeluk net na ‘n draai, sowat 5km buite Groblersdal, gebeur het en dat van hulle byna raakgery is deur voertuie wat op ‘n hoë spoed om die draai gekom het.