Kanonkop inwoners sal merk dat hul kraanwater vanoggend baie vuil is, weg is, of dat die drukking laer is na ’n pypbars op die hoek van Oribistraat en Loeriestraat.

Ongelukkig is dit een van die hoofpype wat water vir dele van Kanonkop en dele van Dennesig voorsien.

DA Raadslid Johann Dyason sê dat hy en ’n munisipale span vanoggend om 02:00 uit was, en dat die water toegedraai is.

Herstelwerk aan die pyp sal eers vandag gedoen word weens die omvang van die werk.

Omdat die water toegedraai is sal huishoudings water onderbrekings of tekorte hê.