Skote gaan klap wanneer skole slaags raak in derby
Elkeen sal ’n wenskuif wil maak in week propvol sport en aksie.
Die week se derby program is bekendgemaak en dit gaan behoorlik ’n sportfees wees met gholf, muurbal, tennis, skaak, skyfskiet, hokkie, netbal en natuurlik die hoofdis; rugby.
Dit gaan Saterdag ’n lang dag wees met die eerste spanne wat eers om 15:30 afskop.
Die Middelburg Buiteklub is more die eerste slagveld wanneer die HTS Middelburg en Hoërskool Middelburg gholfspanne mekaar pak.
Dinsdag is dit muurbal by die Middies muurbalbaan en skaak in die skoolsaal.
Die B-hokkiespanne pak mekaar Woensdag vanaf 14:00 by Hoërskool Middelburg se astrobane.
Die eerste en tweede tennisspanne is Donderdag slaags by Middies en die derdes en vierdes by HTS Middelburg.
Die skote klap ook Donderdag 7 Mei in die middies skoolsaal met die skietspanne wat dit gaan uitspook.
Vrydag se seunshokkie begin om 14:00 met die o/14A spanne en die eerstes wat eers om 18:00 speel.
Die dogtershokkie kom Saterdag aan die beurt vanaf 8:00 by die Middie astro.
Die eerste doele gaan Saterdag reeds vanaf 8:30 gegooi word by Hoërskool Middelburg se netbalbaan.
Die A- en B-velde gaan vir die rugby ingespan word
Daar is vermaak vanaf 14:40 op die A-veld met die eerste spanne se asfkop laatmiddag om 15:30.
Tussendeur is daar geesvang en nogmaals geesvang, lofprysing en kultuur.
