Die begrafnisdiens van Rudi Smit (44) gaan op 13 Mei, om 11:00, uit die kapel by die Samoa Machelstraat begraafplaas gehou word.
Hy is op 30 April in die nuwe King Nyabela Provinsiale Hospitaal oorlede.

Hy is opgeneem vir longontsteking maar is Dinsdag, 21 April, ontslaan, net om Woensdag 22 April weer terug gehaas te word na die provinsiale hospitaal.

Sy broer, die bekende honde-hanteerder, André Smit, vermoed is dat hy ’n beroerte gehad het.
Volgens hom het die CT-skandeerder by die hospitaal nie gewerk nie en Rudi moes na die naaste hospitaal (Nelspruit) gestuur word, waar daar so skandeerder was.
“Sover my kennis strek het dit nie gebeur nie en hy is daarna oorlede.”
Rudi het by Elite Training gewerk en laat sy kinders Ruaan (17) en René (14) agter.

• Navrae oor die skandeerder wat glo buite werking was is al ’n week gelede aan die departement gesondheid gestuur.

• Intussen is die diens vir luitenant kolonel Jakes Jacobsz , oud bevelvoerder van die Middelburgse honde-eenheid, Saterdag13:00 by die Fourways Herdenkingspark in Johannesburg. Kol. Jacobsz is verlede week na ’n hartaanval oorlede.