Die laerskole Cravenweek span van die Pumas het Dinsdag sy kanse weggesmyt teen die Griffons. Die kaalvoet Pumas was lank met 15-5 voor en met die wind van agter in die tweede helfte, het dit na ’n maklike oorwinning gelyk.

Die Griffons het egter groot veggees gewys en met skitter spel aanhou aanval, om met 22-15 te wen.
Die Pumatjies het veral in die laaste vyf minute heeltemal verlore gelyk.
Hulle speel nou Donderdag om 12:00 teen die Luiperds.

Laerskool Middelburg se Nicus van der Merwe en Muller Potgieter het op heelagter en slot uitgedraf.
Die Leeus en Boland pak mekaar in die laaste wedstryd van die dag.

Die Pumas se o/17A span het met 14-17 teen die Haaie verloor op dag een en die Valke 26-14 geklop op die tweede dag.
Die span speel Donderdag vir die derde en vierde plek uit teen die Haaie.

• Intussen vertrek die Pumas se Cravenweek span vandag na Gqeberha om voor te berei vir die Cravenweek wat Maandag afskop. Die Pumas speel Dinsdag teen Griekwas.