Die dokumentêr, Gees agter die spiere, word op 20 September om 20:30 op kykNet uitgesaai.
Dit is ’n kort dokkie oor oud-Middelburger, Dr. Henning Gericke.

Die geskiedkundige Botshabelo-sendingkerkie word ook in die dokkie gewys. Gericke is op 2 Desember 1989 met die liefde van sy lewe, Hennelie Joubert, uit die kerkie getroud. Sy is ’n oud-Hoërskool Middelburg-leerling en die dogter van Dr. Leon en Ria Joubert.

Wat verg dit?

Gees agter die spiere vra wat dit verg om top-sportlui – van rugbyspelers tot swemmers – “se koppe gesond te hou”.
Dit word beskryf as ’n sportdokumentêr met regisseur Pierre Malan.

Dit kyk na die werk van Gericke, ’n sportsielkundige vir die Springbokke, Kaizer Chiefs, die Stormers, Blou Bulle en verskeie ander vooraanstaande sportlui.

Gericke het mense in ’n video uitgenooi om Sondag na die program te kyk.
“Ons wil dit graag met julle deel. Die op en af van die lewe en die wonderlikheid daarvan.”