Die skool het sy mooiste baadjie aangetrek vir die geleentheid en daar was groot lof vanaf besoekers vir die uitstekende fasiliteite.

Die week het reeds Sondagaand afgeskop, met ’n ete wat in die dorp se banketsaal deur die burgemeester, raadslid Mike Masina, aangebied is.

In die eerste wedstryd het Griekwa Platteland en die Limpopo Bulle mekaar in ’n wedstryd gepak wat die heeltyd wipplank gery het.

Die hoof van HTS Middelburg, mnr. Dolf Jonker, het sy tevredenheid uitgespreek met die verloop van die reëlings en gesê dat daar nie enige haakplekke was nie.

Die wedstryde word almal op SuprSport gebeeldsend.

Daar was groot afwagting vir die hoofdis van die dag met die sterk span van die Westelike Provinsie wat teen die tuisspan, die Pumas, sou uitdraf om 15:40, nadat die amptelike opening om 14:40 afgehandel is.

Die Middelburg Observer het ’n groot kontingent joernaliste by die week en sal sy lesers deurentyd op hoogte hou van wat daar gebeur.

.