Vroue wat haar “Bootcamp” klasse bywoon weet dat daar geen kortpaadjies is as jy ‘n perfekte lyf wil hê nie.
Op 38 het sy ‘n lyf wat jong vroue net van kan droom. Maar dit verg ure se oefening en ‘n streng dieet om al die kurwes op die regte plek te hou.
Sy sê dat ‘n uur se oefening nie so erg is nie, die groot uitdaging is die volgende 23 uur van die dag om nie verkeerd te eet nie!
Karien se gespierde lyf het haar die afgelope maar maande ‘n rits toekennings besorg.
In 2013 eindig sy vyde in die Millenium Gold Plate Vroue Strandbikini (ope afdeling) en wen die mej. SA Xtreme kompetisie vir vroue ouer as 35.
2014 is ‘n besige jaar en sy behaal die volgende plekke:
• Eerste: Mpumalanga Beginners Skou Vroue Bikini (fiksheid afdeling).
• Tweede: NABBA SA Pretoria Classic-vroue ope bikini (langer as 1.63m).
• Eerste: mej. SA Xtreme strandbikini (langer as 1.63).
• Derde: FBB H&H Vroue strandbikini (langer as 1.63m).
Sy neem Saterdag in die Witbank Stadsaal aan die Mpumalanga kompetisie deel waar sy hoop om te kwalifiseer vir die SA’s in Kaapstad gedurende September. Daarna volg die wêreldkampioenskappe in Kanada (Oktober).
