Ywerige jong rugbyspelers het vir die laaste keer kans gekry om hul vernuf op die rugbyveld te wys, terwyl menige ouer se stembande seker ook die einde van die seisoen, en ‘n broodnodige ruskans, verwelkom.

Saterdag se toernooi by Event City het gesorg vir groot sports toe die pa’s van al die deelnemende skole teen mekaar moes meeding vir R20 000 prysgeld.

‘n Opwindende finaal tussen Kleuterskool Gansiekeur en die Middelburg Rugbyklub, ag ek bedoel Laerskool Middelburg, is naelskraap deur die Koedoekoppe gewen.

Sportmangees het egter geseëvier en hulle het die prysgeld met Gansiekeur gedeel.