Pieter Smith sing
hoor die donner om die draai
vreesaanjaend soos ’n haai
dra geen helmet of ’n hoed
want sy mullet pas hom goed
silver buckle op sy belt
Bakkies Botha is sy held
vir sy brekfis drink hy bier
hyt ’n foto teen sy muur
hy vry na stukkie Van der Merwe…

Maar dit is nie net in Suid-Afrika waar daar na Van der Merwe gevry word nie.
Twee Van der Merwes het hulle merk gemaak oorsee en nou is daar nog een op pad.
Akker van der Merwe wat deesdae vir die Bulle speel, het vir Sale Sharks uitgedraf en sy boetie Duhan speel tans vir Edinburgh en Skotland se nasionale span.

Nou is die Puma flank, Ruwan van der Merwe, op pad na Franco Smith se Glasgow Warriors.
Van der Merwe is een van Puma afrigter, Jimmy Stonehouse, se rugbyfabriek produkte.
Daar is ’n ellelange lys van spelers wat hy afgerig het, wat later Springbokke geword het of vir Verenigde Rugby Kampioenskap spanne speel.

Daardie lys sluit in

Faf de Klerk, Vincent Koch, Rosco Speckman, Uzair Cassim, Corné Fourie, Shaun Venter, Tiaan Fourie, Pellow van der Westhuizen, Coenie Oosthuizen, Tinus de Beer, Eduan Swart, Le Roux Roets, Devon Williams, Sebastiaan de Klerk, Jeandré Rudolph, Diago Appolis, Stephan Coetzee en Willie Engelbrecht.

Die lys eindig nie daar nie.
Vanjaar se Puma kaptein, wat vanaf die Pukke tot een van die voorste voorrye deur Stonehouse ontwikkel is, Sampie Swiegers, gaan vir Harlequins speel.
Die slot, JJ Scheepers, het ’n kontrak onderteken om vir Akker se ou klub, Sale Sharks, uit te draf.