Dit is HTS Middelburg teen EG Jansen en Hoërskool Middelburg teen Ben Vorster.
Die NWU Pukreeks se halfeind wedstryde vind die naweek plaas, met duisende toeskouers wat op Middelburg gaan toesak.
Skole wat in aksie gaan wees is behalwe vir die Rooi Bulle, ook spanne van Waterkloof, Piet Retief, Nelspruit, Kempton Park en EG Jansen.

Middies reis na Vanderbijlpark om by Hoërskool Transvalia se velde teen Tzaneen se Ben Vorster te speel.
Transvalia, Oos-Moot, Menlopark, Ben Vorster en Eldoraigne is hier in aksie.
Saterdag se uitspele by die A-, B- en C-velde van HTS Middelburg is eintlik ’n kleedrepetisie vir volgende jaar, wanneer die skool sy eeufees vier. Die eindstryd sal dan hier aangebied word.

Daar word die afgelope tyd reeds erg gewoel om die terrein in top toestand te kry, voor besoekers verwelkom word.
Veral die ingang by Samora Machelstraat ondergaan ’n gedaanteverwisseling.

Die Rooi Bulle van Jano Venter en Christiaan Gouws se Middies speel albei uit vir posisie vyf tot agt.
Indien hulle die naweek wen, wag ’n vroeë ontmoeting tussen die twee.
Die HTS Middelburg eerstes skop Saterdag om 15:30 af teen EG Jansen.

• Daar is ook hokkie uitspele wat reeds Vrydag, 10 April, begin.