Hoëveld Mannekamp
Die Hoëveld Mannekamp word vanjaar vanaf 5-7 September by Olifants River Lodge aangebied.
Dié jaarlikse kamp word deur Middelburg4Jesus, ’n interkerklike groep mans, aangebied. Die vorige drie kampe is by Samekoms gehou.
“Ons weet dit gaan ’n lewensveranderende naweek wees,” het een van die organiseerders, mnr. Marcel de Villiers, gesê.
Persone wat dit nie kan bekostig om te gaan nie, sal geborg kan word en persone wat ’n verskil in iemand anders se lewe wil maak, kan ’n vriend borg (Nedbank Middelburg, rekeningnommer 1006 284 907).
Daar is hierdie jaar beperkte plek beskikbaar en die mans word aangemoedig om so gou as moontlik hul kaartjies te koop.
Gaan kyk op die Middelburg4Jesus se Facebook bladsy of stuur epos vir meer inligting oor die reëlings vir die kamp na middelburg4jesus@gmail.com of bel (of sms) 082 4482 556 082 600 1990.
Kaartjies is te koop by Middelburg Karavane & Campworld, Trappers Trading in die Middelburg Mall en Ventas Christelike boekwinkel by Fountain Corner, oorkant Ginelli’s. Kamer kaartjies is R390 en kampkaartjies R300 (etes ingesluit).
• Die HMK komitee bedank graag die personeel van Olifants River Lodge wat die naweek se verblyf teen ’n spotgoedkoop tarief beskikbaar gestel het.
