Mej. Middelburg gesoek
Dit is weer dié tyd van die jaar waar daar na die mooiste mej. en mev. Middelburg gesoek word!
Vanjaar se kompetisie is ietwat aangepas sodat elke jong meisie of vrou die geleentheid gebied kan word om deel te neem.
Deelnemers hoef géén agtergrond in model- en skoonheidskompetisies te hê nie, maar moet slegs trots wees daarop om ‘n vrou in vandag se tye te wees.
Buiten innerlike skoonheid, sal die beoordelaars ook kyk na persoonlikheid en of sy kan uitreik na minderbevoorregtes.
Inskrywings het reeds op 1 Julie geopen en sluit op 31 Julie, om 17:00.
Meisies en vroue tussen die ouderdom van vier jaar en 55 kan inskryf vir die volgende afdelings:
4-8 jaar: Klein mej. Middelburg, 9-12 jaar Junior mej. Middelburg, 13-16 jaar mej. Tiener Middelburg en 17-23 jaar mej. Middelburg.
In die afdeling 24 jaar en ouer, kan deelnemers swanger, verloof, getroud, geskei en ‘n weduwee wees.
Die kompetisie is slegs vir vroue wat bly in die Groter Middelburg area (Middelburg, Hendrina, Belfast en omliggende myndorpe).
Met al die 2014 inskrywings sal die eerste rondte op foto’s beoordeel word. Die semi-finaliste sal genooi word vir onderhoude.
Hierna volg ‘n werkswinkel waar hulle die fynere kunsies geleer sal word van selfopheffing en voorbereiding vir die kompetisie. Die finaliste sal ook hiertydens aangekondig word. Hierdie groep finaliste sal betrokke wees by verskeie liefdadigheids- en gemeenskapsprojekte.
Die kroning is vroeg in September tydens ‘n glansgeleentheid. Die wenners kwalifiseer outomaties vir onderhoude in die verskillende afdelings van die mej. en mev. Suid-Afrika kompetisies.
• Inskrywingsvorms kan afgehaal en ingegee word by die Middelburg Mall (ingang 2 voor Woolworths) en vir meer inligting, bel Andries du Preez by 072 248 9424 of stuur epos na mokka24@gmail.com
