Vermoorde wou nie trou
'n Voormalige vriendin van mnr. Jan Briedenhann, wat ses jaar lank saam met hom gewoon het, het sy vrou Tanya-Louise, kort voor hul huwelik gewaarsku om nie met hom te trou nie.
Die vrou, wat tans oorsee woon, sê dat verskeie e-posse tussen haar en mev. Briedenhann gewissel is voor haar troue.
In e-posse wat aan die Observer beskikbaar gestel is het me. Briedenhann voor haar troue reeds probeer om daaruit te ontsnap.
Mnr. Briedenhann het daagliks na werk haar selfoon by haar afgevat en haar nie toegelaat om enige kontak met mense tuis te hê nie.
In die e-posse sê me. Briedenhann dat die doodsdreigemente reeds voor die huwelik begin het en dat hy een van haar seuns, kort na hul ontmoeting, met die vuis geslaan het.
Sy het in die e-posse gepleit vir raad oor hoe om van mnr. Briedenhann ontslae te raak.
Die vrou het vertel van ses jaar se hel en teistering, waartydens mnr. Briedenhann homself glo ook aan haar minderjarige dogter ontbloot het.
In die e-posse waarsku die vrou mev. Briedenhann dat hy alles sal doen om haar te manipuleer, “selfs ‘n wapen teen sy kop druk en dreig dat hy homself gaan skiet, maar so sal staan dat sy brein oor jou sal spat”.
Sy sê “ek het in my kantoor gesit en gebid, Here laat hy skiet, maar skiet het hy ongelukkig nie geskiet nie”.
Sy waarsku “sy jaloesie gaan jou eendag nog jou werk kos, hy gaan jou kinders gebruik om by jou uit te kom, moenie dat hulle ooit alleen saam met hom wees nie”.
Haar laaste pleidooi aan mev. Briedenhann was “kom weg van daai man af, voor dit te laat is”.
Mev. Briedenhann het hom in haar eposse beskryf as “seksmal,” en selfs beplan om ‘n straatvrou te kry om by hom aan te lê, sodat sy haar uit die huwelik kon kom.
