Bergvlam dankie-sê funksie

NELSPRUIT – Die jaarlikse skouspelagtige atletiekbyeekoms, die interhoër is vanjaar deur die bekwame span van Hoërskool Bergvlam aangebied. Dié dag het baie beplanning, tyd en deursettingsvermoë geverg. Die skool het Woensdag 5 Maart hul taak op ‘n gepaste wyse afgesluit deur hul borge vir hul vertroue te bedank.

“Ons het ‘n droom gehad, maar ons moes mense kry om te help om dit waar te maak. Ons droom was nie onrealisties nie, maar ons het ‘n wenspan nodig gehad. Dankie dat julle in ons geglo het, sonder julle sou dit nooit plaasgevind het nie. Dankie dat julle saam met ons in die droom gedeel het en saam ons op die skip gevaar het. Ons is trots op die interhoër wat ons aangebied het,” het die hoof me. Annemarie Kleynhans gesê.