Ibekiwe inkhosi yase Bhevula

MOOIPLAAS – Bekukuhle kudzelile kulemphelasontfo lapha esigodzini sase Mooiplaas ngesikhatsi kubulawa umntfwanenkhosi Thulani David Nkosi we Bhevula Somcuba Traditional Council.

Bantfu bebanyatselana basho bavunule banotfotela ngemvunulo yesive seMaswati, bomake belutsango bashaya ingoma kwadzela sibukeli nemajaha netintfombi basinga inkhundla ngekushiyelana.

Lomcimbi bophindze uwuhanjelwe ngemakhosi lahlukene nalabakhulu kuhulumende labakafaka ekhatsi sihlalo wendlu yemakhosi endzabuko kulesifundza sase Mpumalanga Kgoshi Lameck Mokoena kanye nemalunga endlu yemakhosi lafaka Inkhosi Mnisi wesive sebakaMnisi le kuMantjolo kanye nenkhosi Malaza wesive Mangcamane.

Lomcimbi bowuphindze usingatfwe ngu sodolobha wesifundza sase Chief Albert Luthuli Municipality Make Busi Shiba. Inkosi Mokoena iphindze yahlophina lomntwanenkhosi negiesitifiketi salokubekwa kwakhe, waphindze wamfundzela nemlayeto wekumhalalisela lobuya kumphatsiswa we ndlu yemakhosi endzabuko aseMpumalanga umhloniswa make Refilwe Mokoena longakaphumeleli kulomcombi ngenca yetizatfu letitsite.

Nayetfula inkhulumo yayo inkhosi Mokoena yendlulise nemavi ekubonga kundvunankhulu umhlonishwa David Mabuza ngekutimisela kwakhe ekubuyiseni sitfunti semakhosi endzabuko.

Ubuye wababata , wadvumisa ngekusungulwa kwelikomoti lelibukene nemibango yesemphakatsini (Committee on Disputes and Claims on Traditional leadership ) Lelikomidi kungumanje nje selicedze emacala langu 112, lisasele nalangu 50 lokubhekeke utsi abe aphotfuliwe ungakapheli umnyaka lotako.