Verwyder slegte reuke in jou huis vinnig
Of daar gistraand gekook was, die huis vol rokers is, of die troeteldier lank terug gebad was ... kry só die slegte reuke uit you huis uit.
Kos
Ligte reuke in ’n yskas wat nie behoorlik skoongehou is nie en reeds lank in die omtrek is, kan maklik skoongemaak word.
Verwyder eerstens die oorsaak van die reuk.
Maak seker om die die spens of koskas ook goed deur te kyk vir oorskiet kosbestandele.
Nadat jy die area behoorlik skoongemaak het behandel die area met hierdie algemene produkte:
- Koeksoda: Maak ’n houer oop en plaas dit in die betrokke area.
- Koffiemoer: Plaas die koffiemoer in ’n vlak bakkie in jou huis. Dit sal dié tipe reuke elimineer.
- Witasyn: Bakkies witasyn kan reuke neutraliseer.
- Appelasyn: As die opwasbak ’n slegte reuk het, is dit heel moontlik afkomstig van die uitlaatklep. Gooi appelasyn in die opening af en raak so ontslae van die reuk.
Lees ook: Natuurlike maniere om van algemene tuinpeste ontslae te raak
Sigaretrook
In ’n huis waar iemand rook, kan die ou sigaretrookreuk oorweldigend raak. Nikotienreuk kan in die lug hang lank nadat die sigaretstompie – en selfs die gewoonte – geskiedenis is.
Probeer om eerstens met die reuk klaar te speel deur die mure en vensters met asynwater te was. Wag ’n dag of twee en herhaal. Indien die reuk nie verdwyn nie sal jy dalk drastiese stappe moet doen soos om jou mure te verf. Laat maak ook jou gordyne en stoffering professioneel skoon.
Lees ook: Die beste raad vir skoene wat sleg ruik
Troeteldiere
Stofsuig die area goed met ’n stofsuierverlengstuk. Die gewone stofsuier gaan nie soveel hare optel nie. Voordat jy stofsuig, sprinkel eers ’n deeglike laag koeksoda op die mat en wag ’n paar minute. Dit sal help om die reuk te neutraliseer. As voorkoming vir hierdie probleem, raak in die gewoonte om jou troeteldiere daagliks te borsel.
Lees ook: Raad vir voetswamme
Vroteier-reuk
Tensy iemand ’n vrot eier in die area gelaat het, is dit heel waarskynlik ’n gas-lekkasie. Verlaat onmiddellik die huis en bel ’n kundige.
Lees ook: Maak jou badkamer diep skoon. Ons wys jou hoe.
Die artikel Verwyder slegte reuke in jou huis vinnig het eerste in Rooi Rose verskyn.
