Genoeg vir 4
Bestanddele
- ’n Hand vol baba-aartappels, in die skil gekook en middeldeur gesny
- 100 g aspersies
- 15 ml (1 e) olyfolie
- ’n groot hand vol babaspinasieblare
- 100 g (1 vars filet) salm
- 125 ml (½ k) baba-ertjies
- 125 ml (½ k) ricottakaas
- 15 ml (1 e) vars kruisementblare, ruweg gekap
- 4 eiers
- 160 ml vetvrye melk
- sout en swartpeper
- gerasperde skil van een suurlemoen
Metode
Skakel die oondrooster aan. Spuit ’n 20 cm-oondvaste pan met kleefwerende kossproei.
- Sit die aspersies vir ’n minuut in sterk kokende water en dompel dit onmiddellik in yskoue water.
- Soteer die baba-spinasie vir ±1 min. oor matige hitte in die verhitte olyfolie Hou eenkant.
- Braai die salmfilet in dieselfde pan aan albei kante tot gaar. Laat die salm afkoel en vlok dit met ’n vurk.
- Sit die aartappels, aspersies, spinasie, salm, ertjies, ricottakaas en kruisementblare in die pan.
- Klits die eiers en melk saam en geur met sout, swartpeper en suurlemoenskil en giet oor die groente. Verhit die pan stadig oor ’n matige hitte vir 8 – 10 min. tot die rande van die frittata geset is, maar die middel nog loperig is. Sit die pan onder die oondrooster tot die bokant geset is.
- Sit voor met ’n slaai en vars suurlemoenwiggies.
Die artikel Salm-en-groente-frittata het eerste in Rooi Rose verskyn.
