’n Inbreker wat ‘n 40-jarige vrou herhaaldelik met ‘n mes gesteek, en toe net met haar selfoon gevlug het, het gister in detail in the Gqeberha Hooggeregshof vertel hoe hy die moord gepleeg het.

Simxolele Zitshu (32) het Marolien Schmidt op Vrouedag (9 Augustus) in haar huis in Richmond Hill, Gqeberha oorval. Mike en Terry Eddy het haar te hulp gesnel nadat hulle ongeveer 01:40 gehoor het hoe glas breek en Schmidt om hulp skree.

Hulle het haar bebloed in haar huis aangetref en met haar hospitaal toe gejaag. Sy is kort na haar aankoms dood.

Zitshu het gevlug met net haar selfoon, wat hy later vir R600 verkoop het. Hy is op 10 Augustus gearresteer dansky beeldmateriaal van ‘n sekuriteitskamera wat hom afgeneem het naby Schmidt se woning.

Zitshu is skuldig bevind aan moord en huisbraak met die doel om te roof en is tot lewenslange tronkstraf gevonnis.

Schmidt was ‘n bekende fisioterapeut wat as The Pink Physio bekend gestaan het. Sy het haar 40ste verjaardag ‘n paar weke voor haar dood gevier.