POPUP nooi jou na ‘n deftige Valentynsbal saam met Heinz Winckler
Uitnodiging na die Valentynsbal van die jaar.
Aanstaande jaar kan jy Valentysdag ekstra spesiaal vir jou en jou geliefde maak, want op 14 Februarie wag daar ’n deftige Valentynsbal op jou met Heinz Winckler as gaskunstenaar.
Met ’n heerlike vyfgang maal en ’n orkes wat jou deur die aand sal vermaak, sal dié Valentynsbal beslis iets vir die boeke wees.
Vir dié uithang geleentheid kan jy jou mooiste nommertjie uit die kas haal en jou hakskoene afstof, want hierdie is ’n geleentheid wat jy nie sal wil misloop nie.
Rekord is trots om deel van dié glansgeleentheid, wat deur POPUP (People Upliftment Programme) aangebied word, te wees. POPUP gee al vir die afgelope 14 jaar vir duisende werklose mense ’n nuwe toekoms.
Deur POPUP se opleiding- en bemagtigingsprogramme leer mense om anders te dink, doen en leef.
Vir elke kaartjie wat verkoop word, sal een POPUP-student ’n handleiding en skryfbehoeftes vir hulle programkeuse ontvang. Op hierdie manier help jy om ’n verskil in iemand se lewe te maak.
Die POPUP Diamanté Valentynsbal word by Union Caterers, Utopia Place, in Pretoria gehou en kaartjies is beskikbaar vanaf R500 per persoon vir ’n silwer pakket. Maar indien jy ’n groter verskil wil maak kan jy ook ’n goud-, platinum- of diamant-pakket neem.’n Vyfgang maal, wyn, koeldrank, ’n geskenk en ’n vertoning deur Heinz Winkler is ingesluit.
Jy kan ook bie om saam met Heinz of ’n ander bekende te dans en daar sal groot pryse te wen wees.
Om plek te bespreek kan Nerésa Vogel tydens kantoorure by 012-003-2008 of 081-043-8813 geskakel word of stuur ’n e-pos aan neresa.vogel@popup.co.za.
