Sarel Cilliers se koor besoek die Drakies

Om 12:00 Woensdagmiddag het ‘n paar van ons koorlede vertrek om na die Drakensberg Seunskoor te gaan luister.
Ek dink nie hul het dit wat hul daar gesien en ervaar het verwag nie. ‘n Jong groep seuns met ‘n passie vir musiek en die liefde wat hul daarvoor het met elkeen in die gehoor te kan deel. Hulle het hul konsert begin met ‘n paar rustige liedjies en toe die gehoor se aandag heeltemal gevestig toe hul die temalied van Gladiator, “Now we are free” en One Republic se “I lived” gesing het, waar daar ‘n hoendervleis was en trane gesluk moes word. Gedurende pouse was ons bederf met koffie/tee en skons.

Nie lank daarna nie het die tweede helfte van die konsert begin waar die seuns in tradisionele klere en “Gumboots” op die verhoog gekom het. Verskeie Afrika liedjies het opmekaar gevolg en natuurlik afgesluit met “Shosholoza” waar ou koorlede hulle op die verhoog kon vergesel het.
Vir die kinders was dit ‘n ongelooflike ervaring en hulle sien vreeslik uit om volgende jaar weer te gaan luister.