Amaphoyisa aseNquthu agcine umsolwa ezitokisini ozovela mhla zingu-10 kwephezulu ukuba afake isicelo sebheyili kulandela izinsolo zokuthi wadlwengula umakhelwane wakhe obalelwa eminyakeni eyishumi nesikhombisa.
Kuthiwa lesigameko senzeka eduze nedolobha laseNquthu eMdansane ekuqaleni konyaka. Lesenzo sishiye isimo esimuncu emphakathini njengoba sekukhona’ ukukhombana ngeminwe’.

Amalungu omphakathi, athi awamuphikeli umsolwa oneminyaka ebalelwa kwengamashumi amabili kodwa babona kungamfanele njengengane esanda kufika endaweni.

Ngakolunye uhlangothi kugxekwa amaphoyisa okuthiwa adubula emzini kaMsolwa kanti futhi bathi abomndeni kaMsolwa ‘banqatshelwa’ nokuvula icala. UMsolwa uboshwe ngoMsombuluko owandulela owedlule ebusuku emva kokuba ezinikele emaphoyiseni ehambisana nomphakathi amva kokuba kugasele amaphoyisa ekhaya.