Babonga uMkhuleko Abazali Nothishela eBongumenzi

Ophumelele ngamalengiso kuMatikiletsheni wangonyaka ophelile, useziqalile izifundu zakhe eNyuvesi yase-Wits Watersrand eGoli kulonyaka. Ngokusho kuka Kuhlekonke Sihawukelwe Sithole (17) owahlomula emcimbini woMnyango Wezemfundo eThekwini e-ICC, waphasa umatikuletsheni ngo-Distinction abayisikhombisa ababengalindelwe muntu.

Njengamanje wenza izifundo ze-Industrial Engineering okungubuchwepheshe bokuthuthukisa izinsizakusebenza ezinkampanini ezinkulu. “Ngase ngilahle ithemba ngithi ngihlulekile uma ngibona namaNyuvesi engakaphenduli isicelo sami,”kusho umfundi. Uqhube wathi akazange wakholwa uma uthishanhloko wasesikoleni sakhe i-Bongumenzi High School eNquthu ezomazisa ngesimemo sakhe sase-ICC kanti futhi nabo abazali kanye nothishanhloko bathi nabo azange bakholwa yize bemazi ukuthi usebenza ngokuzikhandla futhi akanabangani uzithobile.

Umama wakhe uPhilisiwe sithole utshele iNtatheli yePhephandaba i-Courier , ukuthi ngalolosuku wakhala waze wadela enziwa yinjabulo. Uveze ukuthi kumfanele ngoba kusukela ebuncaneni bakhe kumabanga aphansi esikoleni ubebuya no 100%. Uthi umama wakhe ubemugqugquzela ngaso sonke isikhathi ukuthi ahlale ezincwadini zakhe. “Thina sihlala sikhuleka lapha ekhaya, sikhuleka noma sikuphi ngoba umkhuleko awuna sikhathi,”kusalanda uPhilisiwe. Uqhube wathi mhla ebona imiphumela uthi wajabula kakhulu.”Ngimfisela inhlanhla ukuba aphumelele abe yilokhu afisa ukuba yikona empilweni,” kusho umama.

Uqhube wathi “ngiwe ngivuka ngikhulisa abantwana bami bobane, nokungabafowabo baka Kuhlekonke ngemuva kokuba ubaba wabo endlule emhlabeni.” Uqhube wathi “bekungelula ukuphatha umuzi ngingedwa abantwana bethembele kimina ngedwa kodwa ngenxa yokuthi ngiyakholelwa kakhulu emthandazweni kwakuthi noma ngibona sengathi angizufinyelela entweni thizeni, ngizibone sekwenza ngomkhuleko.”

UthishaNhloko wesikole, u-SD Shabalala, uthi nabafundi bakhe bayasebenza, kodwa lokhu kubajabulise kakhulu. Uthi lokhu okwenzeke kuKuhlekonke kubajabulise kakhulu. Uthi esikoleni iBongumenzi, abafundi babalekelelwa ngomkhuleko obakhona njalo ngesikhathi se-khefu (break) nsukuzonke, ukunqanda imimoya emibi namadimoni. U-Kuhlekonke uyaqhubeka nomfudaze wakhe eGoli. Kanti uthi uzimisele ukusebenza kanzima futhi ukuze ajabulise umama wakhe ngako konke akudingayo ukuze azobona ukuthi ubalulekile empilweni yakhe.