DJS leerders vat 1ste plek by AKTV Redenaars

Op 10 Maart, het 15 leerders van Dundee Juniorskool, by die ATKV Redenaarskompetisie se eerste rondte, in Newcastle gaan deelneem. Leerders het in verskeie kategorieë deelgeneem. Die volgende leerders het deurgedring na KZN se finale rondte:
Susan Gregory (Gr 5 – 7) en Mia van der Merwe (Gr 1 – 3). Baie geluk, ons is ongelooflik trots op julle!
Op Donderdag, 22 Maart, het DJS se EG Jansen Redenaarsspan in Durban aan die KZN finaal deelgeneem. Dit was ‘n dag vol spanning en opgewondenheid. Dian Bierbaum en Susan Gregory het eerste plek behaal, en die pragtige trofee gewen.
Baie dankie aan die ouers, sprekers en onderwysers. Dit is ‘n besonderse prestasie. Baie geluk!