Amajuba treur oor afsterwe van geliefde Willij du Plessis
Sy was deurgaans 'n elegante, formidabele dame.
‘n Seder het geval …
Hoërskool Amajuba het met leedwese verneem van Mev. Willij du Plessis se afsterwe.
Mev. du Plessis was vir dekades ‘n instelling by Amajuba, en het sedert die vroeë tagtigs diep spore in vele Jubies se lewens getrap.
Sy was deurgaans ‘n elegante, formidabele dame wat haar liefde vir haar taal en beroep met honderde leerders gedeel het oor die verloop van haar loopbaan.
Formidabele onderwyseres laat blywende nalatenskap
Tydens haar loopbaan by Amajuba was sy aktief betrokke by redenaars, debat en Eisteddfod, en het sy deur middel van die ‘toast masters’ vele leerders touwys gemaak in die verloop van vergaderings en voorleggings.
Sy het met ‘n ferm hand en onwrikbare beginsels gelei, en was geliefd onder haar leerders en kollegas.
Mev. du Plessis sal altyd onthou word vir die waardes en liefde vir Afrikaans wat sy by haar leerders gekweek het, en as ‘n integrale deel van die Jubies familie.
“Ons innige meegevoel aan haar seuns Willem en Louwtjie, en die uitgebreide families.”
The news provided to you in this link has been investigated and compiled by the editorial staff of the Newcastle Advertiser, a sold newspaper distributed in the Newcastle area. Please follow us on Youtube and feel free to like, comment, and subscribe. For more local news, visit our webpage, follow us on Facebook and Twitter, and follow us on our WhatsApp Channel
