Mhleli,
Thina njengezakhamuzi zase Ndumeni siwukhombisile umkhombandlela wokuthi njengabakhokhi ntela, sifuna kwenzekeni kumasipala wethu. Ngamandla ethu sikwazile ukukhipha izimenenja ebezibambezela intuthuko. Naleyo menenja eyadla imali yempesheni kuzomele iyikhokhe. Sawamisa ama-tender omgwaqo kanye nama giza obekuzozuza amakhansela athize kanye nezisebenzi zikamasipala. Sithi nala makhansela asafuna ukuphila ngomkhomyovu adle izimali zomphakathi sizowaphoqa noma kanjani ukuthi ashiye. Kanjalo nezimenenja ezizihlomisa ngama-tender nazo sizibheke ngeso lokhozi. Sifuna lo mkhandlu ukuba uqashe ngokuba ulandele imigomo efanele. Mphakathi wakithi ngithi amandla alele kithina ukuba sizilungisele umasipala wethu sisebenzisana namakhansela angenayo inkohlakalo.

Okhathazekile eNdumeni