Ngabe basanakwa abadala nabagulayo abahlala eMseni

Mhleli
Kuyadumaza futhi kuyadabukisa ukuzwa njalo kukhalwa ngokuphathwa budedengu kwezikhungo zokugcina abantu abadala nabagulayo bendlu emnyama. Nalapha ekhaya labadala nabagulayo eMseni eShiyane kunezikhalo zokungaphathwa kahle kwalesisikhungo.

UMnyango weZenhlalakahle, imission yama Luthele nezinhlangano zabesifazane nezinye abake basukume kebephenyisise ngokwenzeka kulelikhaya. Bake bahlolisisengezi mpesheni zabadala, ukudla, imfudumalo, ukuba abasebenzi bawenza ngakhona yini umsebenzi wakonakekela?

Kafushane nje ngabe uthando nokunakekela okwakutholakala kusaphethe abamhlophe kusekhonayini? Masivakashelwe njalo lesikhungo ukuqinisekisa inhlalakahle yabadala nabagulayo.

Okhathazekile
UNkk Mncube umphathi waseMseni Old Age Home uphendulile ngaloludaba wathi: “kuyamangaza ukuzwa izinsolo ezinjena. Ngithanda ukucacisa ukuthi sinobufakazi obuphathekayo bezivakashi zethu zikahulumeni njengo dokotela abafikayo kanye nabahlengikazi abafika bezobheka abahlali bethu. Sinemenyu yokudla elandelwayo futhi abahlali bethu bathola nezithelo njalo ngosuku.

Inhlangano yase ELC Youth League iyafika njalo eMseni izosibheka. Umnyango weZenhlalakahle (DSD) uyafika njalo wenze ucwaningo lokhuthi basahlezi kahle yini abantu abadala kanye nabagulayo, kukhona noSonhlalakahle uThandi Shabalala, ohlalangaphakathi esikhungweni nobheka mihla izidingo zabahlali. Kukhona nekomide labo abahlali elidlulisa izikhalo zabo kwibhodi laseMseni umabenazo. Angiboni ukuthi uDSD ungaqhubeka usixhase njengoba besixhasa umakukuthi asenzi izinto ngomgomo kanye nangendlela”.
Mrs Mncube, ophethe eMseni Old Age Home