Twee sake-ondernemings in Parys het die afgelope week met ‘n soortgelyke modus operandi onder diewe se hande deurgeloop.
Vrydag in die vroeë oggendure is daar by Welkom-kafee in Loopstraat ingebreek. ‘n Blikskêr is gebruik om ‘n gat in die dakplate te sny sodat toegang deur die plafon by die oliebraaier se skoorsteen gekry kon word.

Wonnie Bezuidenhout vertel dat lede van Parys Sekuriteit blitsig daar was toe die kafee se alarm afgegaan het, en het dit waarskynlik die diewe die hasepad laat kies.

Al die sigarette wat hulle agter die toonbank gevat het is op die vloer gekry.

Daar is ook die afgelope week by die Exact klerewinkel in Kortstraat op soortgelyke wyse ingebreek en klere gesteel.
Die inbrekers van beide voorvalle is nog op soek.