Local newsNews
Groot skade aan Vrystaatse spoorlyne na swaar reën
Verskeie spoorroetes word geraak en beïnvloed ook die Primêre Gesondheidsdienste wat deur die Phelophepa trein gelewer word.
Swaar reën in die Vrystaat, het ook groot skade aan spoorlyne veroosaak, en is die Transnet Phelophepa Primêre Gesondheidsorg trein 1 se beplande besoek aan Bethlehem as gevolg hiervan onbepaald uitgestel. Die trein sou van 28 April tot 9 Mei Bethlehem besoek het om primêre gesondheidsdienste aan dié gemeenskap te lewer.
Die Vrystaatse Departement van Gesondheid sê idat daar gekyk word na alternatiewe roetes omdat die departement die belangrikheid van die dienste wat deur die Phelophepa trein gelewer word, besef. ‘n Nuwe skedule vir die trein sal bekendgemaak word sodra dit gefinaliseer is, het Mondli Mvambi, woordvoerder van die departement, Saterdag gesê.
Ander treinroetes moes intussen ook aangepas word weens skade aan onder meer die spoorlyn tussen Koppies en Rooiwal op die Kroonstad-lyn, asook by Sasolburg.
Transnet Vrag en Spoor veiligheid het die skade aan lyne bevestig.
At Caxton, we employ humans to generate daily fresh news, not AI intervention. Happy reading!
