Die N1 by Winburg is vroeër vanaand tydelik gesluit  nadat ’n groep gemeenskapslede die pad versper en verkeersvloei in beide rigtings ontwrig het. Die polisie is op die toneel om die veiligheid van alle padgebruikers te verseker en orde te herstel. Alle betrokke rolspelers is ook ontbied om te help om die situasie te bestuur.

Motoriste wat op die N1 reis, is versoek om alternatiewe roetes te gebruik totdat verdere kennisgewing gegee word. Intussen kan die R30 gebruik word deur motoriste wat vanaf Bloemfontein op die N1 reis, sowel as motoriste wat vanaf Kroonstad op die N1 na Welkom reis.