Hoofwegpatrolllielede van Sasolburg en Kroonstad het Donderdag tydens ’n gesamentlike operasie kruideniersware ter waarde van sowat R2m op die N1 gekonfiskeer nadat ‘n vragmotor deursoek is wat onder verdagte omstandighede aan die kant van die snelweg opgemerk is. Die bestuurder van die vragmotor wat in die donker besig was om sleepwaens te koppel, kon nie ‘n faktuur vir die vrag wys nie.

Toe die eienaar van die vragmotor gekontak is, het hy bevestig dat die vrag aan hom behoort, maar dat sy vragmotor ‘n Volvo is, en nie ‘n MAN nie. Die 31-jarige verdagte is in hegtenis geneem op klagte van die besit van vermoedelik gesteelde eiendom.

Die hoofwegpatrollie span van Kroonstad het uitgekyk vir die Volvo-vragmotor en is ‘n voertuig wat aan die beskrywing voldoen het kort daarna opgespoor met twee insittendendes. Die mans, 33 en 39 jaar oud is gearresteer, ook op klagte van vermoedelik gesteelde eiendom

Die drie sal binnekort in die Kroonstadse en Parys landdroshowe verskyn, het polisiewoordvoerder sersant Josephine Rani gesê.