Vir Marie van Eeden is haar ses maande oue katjie soos ‘n kind in die huis. Groot was die hartseer toe iemand verlede week die katjie met ‘n windbuks geskiet het.

Hoewel die katjie die skietwond oorleef het, bring die trauma van dié dag steeds trane in Marie se oë as sy vertel hoe sy die katjie in pyn met ‘n bloedstreep in die gang gekry het.

Sy het Suzie veearts toe gevat wat bevestig het dat die katjie in die sy geskiet is. Marie het ook ‘n klag by die polisie gaan lê. Wetgewing verbied die afvuur van ‘n vuurwapen in beboude gebied soos in ‘n woonbuurt, en is dit ook teen die Dierebeskermingswet om na diere in ‘n woonbuurt te skiet. Dit sluit windbukse in.

Oortreders kan swaar gestraf word sou hul skuldig bevind word.