Die polisie in Sasolburg soek na die vermiste 74-jarige Johan Fourie van Vaalpark.

Johan het op 20 Januarie omstreeks 11:30 sy woning in Vaalpark verlaat en was in ’n swart Toyota RunX op pad na Rustenburg om sy seuns te besoek. Teen ongeveer 18:00 dieselfde dag het Johan se lewensmaat sy seuns gekontak om te hoor of hy veilig aangekom het, waarna vasgestel is dat hy nooit sy bestemming bereik het nie.

Volgens Johan se suster is hy daarna in Orkney gesien. Familielede het sedertdien probeer om hom te kontak, maar sonder sukses.

Johan is laas gesien geklee in ’n swart formele broek, ’n swart-en-blou hemp en swart tekkies. Hy het vals tande en dra ’n bril.

Die Sasolburg-speurders doen ’n beroep op enigiemand met inligtingoor waar Johan hom bevind, om speursersant Patricia Filda te kontak by 083 715 2545, of Crime Stop by 08600 10111. Anonieme wenke kan ook via die MySAPS-toepassing deurgegee word.