Molen Kórus vier die lente met die klanke van a cappella-klanke tydens hul Local is Lekker Lentekonsert,  Saterdag 19 September om 15:00 by die NG Moedergemeente, h/v Nelson Mandela- en Beyers Naudé-rylaan, in Potchefstroom.

Die plaaslike a cappella-groep Die Boulevard Harmoniste en die Molen Kórus- kamerkoor met lede wat uit Parys en Klerksdorp ook saam sing, is gereed om die lente met ’n heerlike verskeidenheid van mooi musiek op te helder. Dit beloof om ’n spesiale middag vol plaaslike talent, harmonieuse klanke en die lekkerte van musiek wat mense bymekaarbring, te wees.

Kaartjies is vooraf by Quicket beskikbaar en sal ook by die deur te koop wees.

Die konsert is ’n fondsinsamelingsprojek vir Molen Kórus/ Kom blus jou koorlus en
ondersteun plaaslike koormusiek en die voortgesette werk van hierdie kamerkoor.