Groot rolbal dié naweek in Parys
Die finale wedstryde van die Noordwes rolbal gemengde pare kampioenskap, vind Saterdag en Sondag by die Parys-rolbalklub plaas. Spel begin elke dag 09:00. Vier spanne van die klub, onder andere die verdedigende kampioenpaar, Rudi en Tracy Jacobs sal in aksie wees. Die ander drie plaaslike spanne is John en Magdel O’Donoghue, Trevor Wright en Toets …
Die finale wedstryde van die Noordwes rolbal gemengde pare kampioenskap, vind Saterdag en Sondag by die Parys-rolbalklub plaas. Spel begin elke dag 09:00.
Vier spanne van die klub, onder andere die verdedigende kampioenpaar, Rudi en Tracy Jacobs sal in aksie wees. Die ander drie plaaslike spanne is John en Magdel O’Donoghue, Trevor Wright en Toets van der Westhuizen, en Jaco Nel en Stienie Browne.
Die ander afdelingwenners wat in aksie sal wees is: Klerksdorp-rolbalklub se Pikkie Loots en Petra Rose, Louis Botha en Anina Neethling, Orkney se Herman en Adeline Earle, Schalk van der Merwe en Mathina Wessels van La Farge, Potchefstroom Buiteklub (PCC) se Helena Koekemoer en Jakkie Bezuidenhout en Ian en Hannetjie Nieuwoudt, Strathvaal se Jansen-egpaar Ferdi en Helen, Sega Mokoto en Solly Molefe van Weermag en die dertiende paar, Angus MacDonald en Christine Strydom van Fochville.
Die wenpaar sal later vanjaar aan die SA gemengde pare kampioenskap deelneem.
