Hoërskool Parys speel hierdie Saterdag 5 Augustus vir die vierde agtereenvolgende jaar in die stryd om die Virsekerbeker, vroeër bekend as die Beeld-trofee.
Saterdag se wedstryd is op Parys se tuisveld wanneer Hoërskool Parys te staan sal kom teen Lyttleton Manor van Centurion. Die wenner kwalifiseer dan vir ’n  plek in die kwartfinaal. Al die eerste rondte wedstryde vir die Virsekerbeker vind plaas by Hoërskool Helpmekaar in Johannesburg.
Parys se eerste span het die afgelope naweek in die Valke-finaal die knie moes buig teen Belvedere, maar spog met die mooi prestasie om reeds vir die vierde jaar in die Valke liga-finaal te kon speel waarvan Parys die liga drie jaar in ’n  ry gewen het!