Die 17-jarige Marné Prinsloo, ’n  graad 11-leerling aan Hoërskool Parys, het aan die nasionale uitdunne van Talent Africa in Roodepoort deelgeneem, waar sy weggestap het met twee silwermedaljes in die afdelings vir “Pop Vocal” en “Broadway vocal”, asook goud vir “Gospel” en die “Vocal” ope katogorie.
Boonop is Marné ingesluit in die nasionale span wat haar land gedurende die wintervakansie in New York gaan verteenwoordig.
Die 16-jarige Juan Roodman, ’n  graad 10-leerling aan Hoërskool Parys, het op sy beurt silwer vir “Pop Vocal” ontvang.
Danielle Venter, ook ’n graad 10-leerling van Hoërskool Parys, het aan Talent Africa se “Acting Open” kategorie deelgeneem en kon spog met ’n  silwermedalje. Hierbenewens het sy na afloop van die Dance Star kompetisie  haar SA kleure in dans verower. Sy sal in Mei haar land by die World Dance Masters in Kroasië gaan verteenwoordig waar die top dansers van 28 lande teen mekaar gaan meeding. Danielle is ’n lid van die Danceworx Unlimited Studio in Vaalpark

Die talentvolle Marné Prinsloo van Parys wat kon spog met twee goud en twee silwermedaljes na afloop van die nasionale uitdunne van Talent Africa.

Juan Roodman kon spog met ’n  silwermedalje by Talent Africa.

Naas haar drama-talent waarvoor Danielle Venter met ’n silwermedalje beloon is by Talent Africa, sal sy ook haar land eersdaags in Kroasië gaan verteenwoordig by die World Dance Masters.