Net meer as ‘n  jaar nadat president Cyril Ramaphosa met die aankondiging van die nasionale staat van inperking geldelike hulp aan werklose Suid-Afrikaners beloof het, is nou reeds R21 miljard uitbetaal met die sogenaamde Covid-19 toelae. Die toelae van R350 per maand is aan 6 miljoen begunstigde werklose Suid-Afrikaners uitbetaal deur die regering se departement van maatskaplike ontwikkeling. Die afgelope maande se uitbetalings is gekenmerk deur lang rye mense wat daagliks dou voordag al voor die poskantoor se deure tou gestaan het vir die toelae.