Die lys van toegegroeide kruisings waar lang gras motoriste se sig belemmer, of waar stoptekens verbleik, of heeltemal weg is, word net al langer. Gazette het lesers op 10 Maart gevra om te help om ’n lys saam te stel van kruisings wat dringend aandag nodig het.
Adresse wat reeds ontvang is, sedert met die projek op 10 Maart begin is, is:
* h/v Eerstelaan en Van Collerstraat
* h/v Schilbach- en Van Collerstraat
* h/v Derdelaan en Wesstraat
* h/v Loop- en Grensstraat
* h/v Noorder- en Schilbachstraat
* h/v Muller- en President Kruger
* h/v Grens- en Freedmanstraat.
* h/v Grens- en Vierdelaan
* h/v Grewarlaan en Delverstraat
* h/v Eerstelaan en Endstraat
* Lesers is ook bekommerd oor die gate h/v Muisvoëlsinge en Hospitaalweg, en by Mullerstraat en Hospitaalweg aan beide kante.
Afwesige en verbleikte stoptekens
* Geen stopteken h/v Delver- en Breëstraat.
* Geen verkeersteken of padmerke h/v Grewar- en Delverstraat
* Verbleikte stopteken h/v Oranje- en Waterstraat
* Verbleikte stopteken h/v Johanna- en Grewarlaan.
* Geen stopteken h/v Vos- en Cilliersstraat.
Al die kruisings is reeds onder die uitvoerende burgemeester, rdl. Victoria de Beer, se aandag gebring, wat elkeen van die kruisings besoek het en onderneem het om te kyk wat gedoen kan word om die kruisings veiliger te maak.
Wanneer jy weer iewers in die dorp sou ry – neem ‘n foto van kruisings of verkeerstekens wat werklik ‘n ernstige gevaar vir motoriste inhou. Stuur dan jou foto na die Gazette by 060 690 7591. Al die foto’s wat ontvang word, word op Parys Gazette se webtuiste gelaai en opdateer sodat rekord gehou word van kruisings wat gerapporteer word. Jy kan by www.parys gazette.co.za gaan kyk na foto’s van die kruisings en ook daar jou mening gee.
