Negentien gimnaste van Parys 20 FOUR 7 Trampolienklub is hard aan die oefen vir hulle volgende provinsiale trampolien-kompetisie wat op 26 Augustus in Bloemfontein plaasvind.

Charmain van Niekerk en Star Mapeka, afrigters van die klub hoop om volgende jaar meer van hulle gimnaste tot op provinsiale vlak te laat meeding. “Ons het groot planne vir al ons gimnaste,” sê hulle.

Die klub het reeds vanjaar aan twee nasionale kompetisies en drie klubkompetisies deelgeneem, en altesaam 33 goue, 33 silwer en 22 bronsmedaljes verower.