Twee Parysenaars, Ninette Jansen van Rensburg en Kealley Hugo het aan die Western Mounted Q1 en Q5 kwalifiserende kampioenskappe in Potchefstroom deelgeneem.

Ninette het op Two Moons Eragon vir Q1 vlak 3 ‘n eerste plek, tweede plek en twee derde plekke behaal, en vir Q5 vlak 3 ‘n eerste en ‘n derde plek. Keal- ley Hugo het op Midnight vir Q1 opgeskuif na vlak 2. Sy behaal ‘n tweede plek en ‘n derde plek, en vir Q5 ‘n tweede en derde plek. Albei ruiters is geborg deur Joy of Life Appaloosa stoet.

Die afgelope naweek het hulle aan die streekkampioenskap in Bethlehem deelgeneem waar Ninette ‘n eerste plek, tweede en derde plek behaal het, en aangewys is as reserwe kampioen. Keally het ‘n eerste plek behaal vir haar item.