Dis nou ‘n lekker uitstappie as jy ook met Jan Tuisbly se kar gery het

Nog baie kuiers in die kultuurstoor op Udolpho word vir 2024 beplan.

January 1, 2024

Liezl Scheepers, Parys Gazette 1 minute read

Jy hoef nie altyd ver en duur draaie te ry om iets lekkers in die vakansie te doen wanneer ‘n vakansiebestemming elders jou nie beskore is nie. Kyk weer ‘n slag na wat jou eie dorp en omgewing jou bied en jy sal verbaas wees om te sien hoeveel daar is om te doen.

‘n Laaste oujaarstoer is verlede week nog ingewerk op Udolpho – die FAK se Kultuurplaas net buite Parys.

Tydens die toer is Kopjeskraal, Liebenbergkoppie en die Liebenberg-grafte besoek, asook ‘n paar besienswaardighede in Parys soos die baie bekende hangbrug oor die Vaalrivier, die 1938 Groot Trek-herdenkingsmonument en Ouma se Huis museum op Udolpho.

Kopjeskraal in die agtergrond met die Vaalrivier waar De Wet besig was om oor te trek toe Britse magte hom verras het.

Baie is die dag geleer en gesien en is die dag se saamwees afgesluit met ‘n heerlike pizza uit die pizza-oond in die kultuurstoor op Udolpho.

Mense van sover as Namibië, die Vaaldriehoek, asook van Vredefort en Parys het die toer meegemaak en sommer baie kuiers in die kultuurstoor word beplan vir 2024.

Dankie aan Jan-Danie en Aneke Malan vir die reëlings, toer en lekker eet.

Foto-erkenning: Germaine Smith en Gys Ströh Sr.

In die kultuurstoor op Udolpho besig om n wa te beskryf.

At Caxton, we employ humans to generate daily fresh news, not AI intervention. Happy reading!

January 1, 2024

Liezl Scheepers, Parys Gazette 1 minute read

Liezl Scheepers

Liezl Scheepers is editor of the Parys Gazette, a local community newspaper distributed in the towns of Parys, Vredefort and Viljoenskroon. As an experienced community journalist in all fields for the past 30 years, she has a passion for her community, and has been actively involved in several community outreach projects as part of Parys Gazette's team.