Die NG gemeente Parys-Oos se gebedsreis op die kruisweg van Jesus is ‘n  geleentheid om stil te word.   ‘n Unieke en persoonlike belewenis van Paasfees wat vanjaar op besondere wyse aangebied word met sewe stilwordpunte in die gemeente se kerksaal.

Die roete wat gevolg word is duidelik aangedui, en sien jy ‘n kort weergawe van die kruisiging op die skerm, voordat jy die roete loop.

Die stilwordpunte sluit in Getsemane, Judas se verloën, Die Binnehof, Geseling, Kruisiging, die Graf en Nagmaal. By die Nagmaal-punt kan jy self ook Nagmaal gebruik.

‘n Inligtingsblaadjie is saamgestel wat elkeen van die punte verduidelik en waardeur jy rustig kan lees soos wat jy deur die punte beweeg.

Vir kinders is daar ‘n spesiale blaadjie met verskillende merkers wat die verhaal van Paasfees vertel, en wat op die blaadjie vasgeplak kan word. Die blaadjie kan dan as boekmerk gebruik word.

Jy kan elkeen van die stilwordpunte op eie tyd besoek.

Beleef die ‘Via Dolorosa’ gebedsreis daagliks tot Donderderdag 6 April in die kerksaal op die hv Loop- en Paulsenstraat van 09:00-11:00, en van 16:00-18:00.

Kom beleef hierdie besondere reis.