Harte wat omgee vir hulle met kanker

Grannys Pies het op 27 Oktober inisiatief geneem om R2 van elke produk met die kanker bewusmakingsveldtog plakker daarop, wat op dié dag in die winkel verkoop is, te skenk aan Vrystaat Versorging in Aksie (VVA). Hulle sal weer die geld  aanwend om spesifiek kankerpasiënte in die gemeenskap te help. Altesaam 265 van die produkte met plakkers is verkoop, waarmee R550 aan VVA oorhandig kon word. Boonop is ’n geskenkpak ook uitgeloot waarmee nog R420 ingesamel is en ook aan VVA oorhandig kon word vir hulp aan kankerpasiënte. Die wenner van die geskenkpak was Sylvia de Villiers. Op die foto neem Sanette Boonzaier, gemeenskapsmobiliseerder vir VVA, die skenking in ontvangs van Marlett Stadler van Grannys Pies. ’n Mooi inisiatief vir die Parys-gemeenskap.