Die  risiko vir batteryverwante probleme verhoog gedurende die koue wintermaande. Hoe gemaak om jou motorbattery te beskerm? Dylan Petzer, ondervoorsitter van die Tyre Equipment Parts Association (TEPA), gee raad:

Hoekom koue weer moeilik is vir motorbatterye

• Chemiese Vertraging: Motorbatterye werk deur chemiese reaksies wat elektrisiteit opwek. Wanneer temperature daal, vertraag hierdie reaksies en verminder dit die battery se vermoë om genoeg krag te lewer om die enjin aan die loop te kry.  Ysige temperature kan tussen 30% en 60% van ‘n battery se kapasiteit wegneem en kan selfs ‘n ‘gesonde’ battery sukkel om jou motor aan die loop te kry.

• Verhoogde Interne Weerstand: Koue temperature verhoog die interne weerstand van die battery, wat dit moeiliker maak om krag te lewer. Dikker enjinolie in koue weer vra boonop meer energie van die battery om die enjin te draai.

• Verminderde Laaidoeltreffendheid: Kort ritte gee nie genoeg tyd om die battery behoorlik te herlaai nie, wat vinnig kan lei tot ’n pap battery.

Petzer sê daar is duidelike waarskuwingstekens. 
Let op stadige aanskakeling van die enjin, dowwe hoofligte wat helderder raak wanneer jy die enjin revolusies optel, of klik- of raspergeluide maak wanneer jy die enjin aansluit.

Ander waarskuwingstekens sluit in:

• Korrosie op die batteryterminale (wit, asagtige neerslae)

• Geswelde of misvormde batterykas (’n teken van vries of oorlading)

• En natuurlik die battery-waarskuwingslig op jou paneelbord wat aandui dat iets fout is.

Hoe oorkom jy battery probleme in die winter

1. Toets jou battery gereeld: Laat jou battery toets voordat die winter begin, veral as dit ouer as drie jaar is.

2. Maak batteryterminale skoon: Korrosie kan die stroomvloei belemmer. Gebruik ’n mengsel van koeksoda en water om dit skoon te maak, en sorg dat alle verbindings stewig is.

3. Hou jou battery warm: Parkeer indien moontlik in ’n motorhuis of gebruik ’n battery-isolasiekombers.

4. Beperk kort ritte: Kort ritte laai nie die battery genoeg nie. Kombineer jou take of neem langer ritte om die battery vol gelaai te hou.

5. Skakel elektronika af: Skakel ligte, verwarmers en ander toerusting af voordat jy die enjin aanskakel – en maak seker alles is af wanneer jy oornag parkeer.

6. Laat jou laaistelsel nagaan: Laat die alternator, aansitter en laaistelsel gereeld nagaan. Hulle kan ook deur koue weer beïnvloed word en jou batteryprestasie beïnvloed.

7. Vervang enjinolie: Vars olie vloei makliker in koue weer en verminder die las op die battery tydens aanskakeling.

8. Berei voor met ’n slim batterylaaier: ’n Slim laaier kan help om die battery in stand te hou as jy nie jou voertuig gereeld gebruik nie – dit voorkom diep ontlading en verleng die leeftyd van jou battery.

Gereelde kontrole, goeie onderhoudsgewoontes en ’n bietjie ekstra aandag tydens die koue maande sal help om jou voertuig betroubaar te hou regdeur die winter.